البلوج دي مختصرة، هي مش مفيدة اوي لأني مكملتش الانترفيو بروسيس، لكن هي مشاركة للتجربة و ممكن يكون فيها تفاصيل تفيد اللي هيقرا

امتى قدمت على انستاباج

قدمت عن طريق التواصل مع بشمهندس هشام في انستاباج (وبقدره جدا شخصيا علشان الكود بتاعه جامد اوي) كان هو منزل تويت انهم عاوزين ناس تقدم و انا بعت له الCV على تويتر DM و استنيت رده بعد كدا بعتلي لينك احجز ميعاد للتواصل معاه

تفاصيل الميتنج

الميتنج كان بالعربي بدأ بأنه طلب مني اعرف نفسي وكدا و اتناقشنا في الخبرات السابقة/ و الحالية اللي عندي، وعن شغلي حاليا في الشركة اللي انا فيها و سألني اذا كنت استخدمت اي برودكات من انستاباج قبل كدا و عرفني بالبروداكتس و الاهداف اللي هما شغالين عليها في النهاية قالي انه البوزيشن بيتطلب سنين خبرة اكتر بكتير، ودا مش متوفر عندي

تفاصيل مهمة و اخطائي

  1. كان فيه نقطة مهمة جدا، و انه الCV بتاعي مكانش مرتب كويس ودا سبب لخبطة للبشمهندس لأنه مكانش قادر يفهم مين بيودي على فين، و كان لينكد ان فيه تاريخ مختلف عن الCV و انا متأكد انه دي حاجة قطعا بتأثر على قرار اللي بيعمل الانترفيو، صلحتها بعد كدا

  2. شركة بحجم انستاباج بتكون عايزة ناس اشتغلت على بروداكتس و ابلكيشنز ليها سكيل يوزرس كبير جدا، انا عندي بعض الكونتربيشونز الصغيرة في Firefox و Apple ودا كويس، بس لو كنت عملت اكتر كان ممكن دا يقنعهم بأنه يجي مني

  3. شركة زي انستاباج الاساسي عندهم انك تكون فاهم كويس جدا الانترنالز/ كومبايلرز at some level لأنه الشغل في iOS مش عبارة عن UI زي اغلب الشركات

  4. لو كنت عديت الانترفيو دا، التاسك اللي بيطلبوها عبارة عن Logger و تكتبله تيستنج،و mocking، لأني شوفت التاسك دي في الانترنشيب بعد كدا

بعد كدا لقيت بوست على الفيسبوك بيقول انهم عاوزين فعلا خبرة ٥ و ٤ سنين، ودا طبعا مش متوفر عندي حتى الان… انستاباج من الشركات الجميلة بصراحة اللي الواحد يتمنى في يوم يشتغل فيها مع الشباب الشاطريين جدا

مشاركة التجربة دي غرضها انه افيد اي حد ممكن يكون محتاج يعرف الدنيا بتمشي ازاي، لأني مكنتش عارف الدنيا بتمشي ازاي و اتمنيت انه اللاقي حد بيتكلم عن اللي بيحصل…