امتى قدمت على سويڤل

قدمت على سويفل في نهاية ٢٠٢١، و الانترفيو بروسيس بدأت في يناير/فبراير، التواريخ مهمة لسببين

  1. فيه حاجات كتير حصلت في سويفل بعد كدا، نزلوا ناسداك، و بعدها حصل تسريح ل٣٥٪ من الموظفين
  2. انا بكتب البلوج دي في يونيو، يعني بعد حوالي ٥ شهور من التقديم، بحاول افتكر كل حاجة من الملاحظات اللي جمعتها، ممكن اكون ناسي بعض التفاصيل

ازاي قدمت على سويڤل

قدمت على سويفل من خلال الموقع بتاعهم، بعد ما شوفت تويت ع تويتر للبشمهندس محمد هانئ

وبصراحة انا بقدره جدا و ممتن ليه جدا، وهيبان في باقية البلوج ليه

مين سويڤل

بصراحة انا ممكن اجيب الوصف الخاص بسويڤل من الانترنت بس عموما هكتبه بنفسي

سويڤل شركة نقل جماعي بدأت من مصر، وبعدين نقلت دبي تقريبا، كان قديما فيه مشاكل بخصوص بيئة العمل في سويڤل، بس قيل انه الامور اتغيرت للأفضل

نظرة عامة على الانترفيوهات

الانترفيو على بوزيشن iOS في سويفل كان كالآتي

  1. HR assessment
  2. Technical 1: Multiple Choice Questions + Simple Problem solving
  3. Meeting with Engineering manger
  4. Technical 2: With iOS Team, Swift

مكالمة الاتش ار

في ٢ فبراير جالي اميل من الاتش، اننا نحدد ميعاد الانترفيو، الانترفيو كان يوم جمعة الساعة الضهر

الاتش ار كان علي امام، ولأنه من باكستان كان الانترفيو بالانجلش

الاسئلة اللي فيه كانت زي

  1. How do you learn new things
  2. How do you deal with conflicts

بشكل عام كانت مكالمة لطيفة، مكانتش فديو كول علشان الانترنت عندنا احنا الاتنين بعافية شوية ، بعدها شرحلي المراحل بتاعت الانترفيو و بعتلي لينك الامتحان بعدها بحاجة بسيطة

الاسئلة الخاصة بSwift/ iOS Assessment

تاني مرحلة كانت عبارة عن لينك، فيه امتحان لسويفت/ iOS

الاسئلة فيه كانت بتكاڤر اغلب اساسيات سويفت و البرمجة

الاسئلة المالتبل تشويز بتكاڤر النقاط الآتية

  1. Dynamic Dispatching vs Static Dispatching
  2. Synchronous execution vs Asynchronous execution
  3. SOLID Principles
  4. how can we detect keyboard appearance / disapperance
  5. how to store object in UserDefaults
  6. memory leak in Classes/ Deinit call
  7. Set DataStructure
  8. passing values to functions by inout
  9. value capturing

سؤال الTechincal Challange

have the function StarRating(str) take the str parameter being passed which will be an average rating between 0.00 and 5.00, and convert this rating into a list of 5 image names to be displayed in a user interface to represent the rating as a list of stars and half stars. Ratings should be rounded up to the nearest half. There are 3 image file names available: “full.jpg”, “half.jpg”, “empty.jpg”. The output will be the name of the 5 images (without the extension), from left to right, separated by spaces. For example: if str is “2.36” then this should be displayed by the following image: So your program should return the string “full full half empty empty”.

نتيجة اول امتحان

كانت انه انا passed، و الخطوة اللي كانت بعدها انه هعمل ميتنج مع EM في سويفل، وهو مهندس محمد هانئ، وهو بصراحة شخصية جميلة جدا استفدت و اتعلمت منها كتير

ميتنج مع EM في سويڤل

الميتنج كان لذيذ جدا و خفيف مش موتر او بصيغة رسمية كان عبارة عن دردشة مع بشمهندس محمد هانئ، و كان فيه اسئلة زي

  1. How do you deal with conflicts
  2. What do you know about AGILE
  3. What do you love about SWVL B2B
  4. Tell me about something hard you’ve worked on solving

وهو سمع اسئلتي برضوا و في المجمل حسيت انه الفيدباك ايجابي جدا من التواصل معاه وكان في المجمل مكالمة لذيذة، لكن النتيجة النهائية بعد كدا انه اترفضت.. ليه ؟

اسباب الرفض

بصراحة لا اخفيك ايها القارئ العزيز اني زعلت و اتدايقت اني اترفضت، خصوصا انه حسيت من المكالمة مع بشمهندس محمد، انه النقاش كان جيد يعني، تواصلت معاه وطلبت منه اني اعرف الاسباب علشان دا هيساعدني في الانترفيوهات اللي بعدها، بعد طلبي كلمني البشمهندس و وضحلي الاسباب من وجهة نظره

  1. في اغلب اجاباتي كنت بتكلم عن دومين معين( Computer graphics Applications) او عن فرع معين من افرع البرمجة، ودا اعطى ايحاء انه انا معنديش خبرات اخرى في مجالات اخرى داخل الiOS، من وجهة نظري انا كنت بتكلم عنه لأنه معقد و صعب جدا و كوني قدرت افهمه فمن المنطقي اني متمرس في المجالات الاخرى من وجهة نظر البشمهندس، كان من الاحسن اني اقوله على حاجات كتير تانية اشتغلت عليها علشان يصله التنوع، ودا شيء بقيت بعمله في كل الانترفيوهات بعد كدا.. محتاج اشتغل علي مشاريع تأثر على ناس اكتر، ويكون ليها مستخدمين كتير، لأنه الستارت-اب اللي انا كنت فيها مكانتش عملت ريليس للابلكيشن ، والمشاريع اللي اشتغلت عليها قبل كدا مكانش فيها الاف اليوزرس يعني وبالنسبة لشركة زي سويفل، هما عايزين حد متمرس في العمل على تطبيقات ليها مستخدمين كتير .. و اثناء كلامي نصحني انه احاول ابدأ اشوف شغل تاني و دي بصراحة كان اول مرة حد يقترح عليا الاقتراح دا، انه لازم ابدأ اشوف شركات اخرى لأنه كان بقالي سنة و شهرين في الشركة اللي انا فيها ، وهي نصيحة جميلة اشكره عليها..عدد سنين خبرتي مش كبير اوي، و هما محتاجين يكون عدد سنين الخبرة اكبر من كدا، مع تأكيده انه حاسس او يتوقع انه لو انا دخلت الانترفيو التيكنكال كنت غالبا هباس الامتحان

استفدت ايه من التجربة

فيه حاجات كتير استفدتها، الفيدباك من البشمهندس وضحت لي حاجات انا مكنتش بفكر فيها ثانيا، كانت اول مرة ادخل انترفيو مالتبل تشويز في الiOS و اظن اني جاوبت كل الاسئلة صح، بس البروبليم سولفينج مكانش اوبتمايزد ثالثًا، ادركت ايه اللي ممكن يفكر فيه EM بيعمل معايا انترفيو

وبصراحة الحاجات دي كلها فادتني في الانترفيو اللي عملته بعد كدا، مع جوجل..

مشاركة التجربة دي غرضها انه افيد اي حد ممكن يكون محتاج يعرف الدنيا بتمشي ازاي، لأني مكنتش عارف الدنيا بتمشي ازاي و اتمنيت انه اللاقي حد بيتكلم عن اللي بيحصل…