في السلسلة دي، هتكلم عن تجربتي في عمل انترفيوهات في اكتر من شركة معروفة زي جوجل، سويفل، انستاباج، و شركات في اوروبا 🇪🇸🇩🇪

الغرض من كتابة السلسلة دي، هي مشاركة تجربتي مع الناس بحيث نفيد بعض، لأنه في بداية الانترفيوهات كان ومازال فيه حاجات كتير مش عارفها بخصوص ازاي اجاوب، ازاي اتكلم ؟ ايه صح ؟ ومازلت بتعلم، وكنت بدور عن ناس كتير كتبت او شاركت الناس الانترفيو بروسيس في كل شركة

طبعا مش كل الانترفيوهات مشيت حلو، بس في كل انترفيو استفدت حاجة و اتعلمت حاجة

اللي هعمله اني هحاول اكتب كل الخطوات، و الاسئلة اللي اتسألتها.. تواريخ الانترفيو مش محددة لأسباب فنية، بس كلها سنة ٢٠٢٢

كل شركة هيكون ليها بوست، بيوضح فيه البروسيس كلها من اولها لغاية المرحلة اللي وصلت لها فيه شركات عديت فيها اكتر من مرحلة زي سويفل و روباستا وجوجل وفيه شركات اخرى عديت فيها مراحل اكتر، و شركات مراحل اقل في كل واحدة من دول استفدت استفادة كبيرة، و اتعاملت مع ناس شاطرة جدا ادتني ثقة و علمتني كتير

المعلومات اللي هكتبها في البوستات، ماهي الا تجربتي، وانا في ٢٠٢٢ لسه متخرج يونيو ٢٠٢١، يعني صغنن 😂 لو فيه غلط اكون ممتن اني اعرفه

الحاجات اللي هشاركها في البوستات هتكون زي

  1. اسئلة الاتش ار🧗🏻‍♂️

  2. اسئلة تيكنكال في الموبايل و خصوصا iOS 📱

  3. اسئلة بيهاڤيورال🤝

  4. اسئلة بشتغل على التاسكات التيكنكال 🏎

  5. محاولتي في مذاكرة الداتا ستراكشتر و الجرويذم 🏗

  6. اي حاجة تانية تيجي في بالي